ઉઠતાની સાથે જ તને યાદ કરું છું.
પછી બ્રશ અને સ્નાન કરુ છું.

નાસ્તાની સાથે જ તારી પળો વિતાવું છું.
દેવદર્શન કરીને હું વિશ્રામ કરુ છું.
સાથે જ તને હું યાદ કરું છું.

વાંચું છું પુસ્તક અને કવિતાઓ લખું છું
વિતાવેલ પળ હું અનુભવી લખું છું.
સાથે જ તને હું યાદ કરું છું.

બપોરનું ભોજન અને ઊંઘ હું લઉં છું.
સાથે જ તારા આંગળાની મીઠાસ પણ લઉં છું.
સાથે જ તને હું યાદ કરું છું.

સૂવાની સાથે હું યાદ કરું છું.
હળવેકથી કરીને હું લટ્ટ દૂર કરુ છું
સાથે જ હું તને યાદ કરું છું.

ઊઠીને ભગવાનને સાથે જ જગાડું છું.
આવવાની તારી હું પળો ગણું છું
સાથે જ તને હું યાદ કરું છું.

મિત્રો બોલાવીને ચર્ચાઓ માંડું છું
જીવનની બધી હું તકલીફો કહું છું.
સાથે જ તને હું યાદ કરું છું.

સાંજના શણગાણની તૈયારી કરું છું.
ભાવથી ભજીને હું આરતી કરુ છું
સાથે જ તને હું યાદ કરું છું..

રાત્રિનું ભોજન કુટુંબીઓ સંગ કરું છું.
તારા હાથની રોટલીઓ હું વાગોળ્યા કરુ છું.
સાથે જ તને હું યાદ કરું છું.

સૂવાની વ્યવસ્થા હું જાતે જ કરુ છું.
ખાટલો અને ગોદડું હું જ પાથરૂ છું.
સાથે જ તને હું યાદ કરું છું.

નિદ્રામાં તારી વાતો જ કરુ છું.
જીવનના સપના થી હું સવાર કરું છું.
સાથે જ તને હું યાદ કરું છું.

દિનચર્યા મારી હું આજ પાળું છું.
ચોવીસ કલાક હું આમ જ વિતાવું છું.
સાથે જ તને હું યાદ કરું છું.

- અલ્પેશ